ENTORNO PERSONAL DE APRENDIZAXE
A
MIÑA REDE
Si me facedes a pregunta de cales son para mín as principais fontes de
aprendizaxe a primeira idea que se me ven a mente é as persoas.
No noso traballo para min é fundamental, primeiro coñecer a estrutura interna
da entidade na que estamos ubicados, os distintos departamentos e as persoas
que están a fronte deles. Tecer un clima laboral satisfactorio para compartir
información e aprendizaxe.
Despois hai que ir tecendo a rede cara o exterior. Coñecendo a aqueles
outros profesionais e compañeiros que traballan na túa área ou áreas
significativas para o teu traballo. Ter unha comunicación fluída para compartir
recursos, intercambiar información, prestar axuda e recibila, xuntar estratexias
e sinerxias. E deses compañeiros ou profesionais seguir contactando con todo o
tecido asociativo, empresarial… da zona. Despois facer todo isto extensible a outros
ámbitos xeográficos más amplos. Sobra dicir que este non é un traballo que se
faga en pouco tempo, senón que isto é un proceso laborioso que implica dedicación,
tempo, paciencia e moito networking.
Eu traballo nunha zona rural e para min non se entende o traballo dunha
maneira aillada. Contamos con poucos recursos e a veces incluso con pouca xente
cun perfil moi específico para facer grupo e poder achegar a esos demandantes a
actividade que eles precisan. Por iso, si non nos xuntamos moitas ideas que
merecen a pena morrerían antes de vela luz. As fontes para min son, nesta
estrutura arácnida: persoal de orientación, técnicos de emprego, servizos sociais, educadores familares, persoal de cultura, persoal informático, asociacións culturais e
empresariais, fundacións…etc e como non, os propios demandantes de emprego.
Pero chegados a este punto, despois de deixar claro que o papel principal
está para min nas PERSOAS, non podemos obviar o momento que nos está tocando
vivir coa introducción das novas tecnoloxías da información e comunicación.
Nesta sociedade da información
onde todo avanza vertixinosamente, penso que temos que facer un esforzo e
subirnos a este tren. Todo é aprendizaxe, por iso creo que as persoas e as tecnoloxías
teñen que ir da man non enfrontarse. O contacto persoal é fundamental pero o
contacto virtual está aí pegando forte e non podemos ignoralo. Creo que si aprendemos
a manexar estes recursos poderemos facer unha selección do que nos convén e un bo uso deles
aplicados ao noso traballo.
Eu no meu día a día, cos coñecementos básicos que teño nesta materia fago
uso da web 2.0 e podo dicir que para min estar na rede é positivo..ESTA REDE
ATRAPA OPORTUNIDADES!
Para rematar deíxovos un resumo das FERRAMENTAS que emprego:
Para buscar e consumir información
- Por suposto o omnipresente "buscador de Google" e wikipedia
- Cando quero atopar presentacións Slidershare e vídeos recurro a Youtube
- Cando preciso unha busca máis social Pinterest e Twitter
- Mención especial para unha ferramenta que descubrín neste curso Feedly, meu agregador RSS
Para organizar e compartir
- Google Drive
Para crear
- Word e Powerpoint
Para comunicarme e colaborar
- Linkedin, Facebook e Twitter
Para publicar
- Blogger
Para a comunicación directa utilizo Gmail (máis formal) e WhatsApp (máis informal)
MEU PLE |
No hay comentarios:
Publicar un comentario