TRAZANDO FUTURO
Quero escribir este
meu primeiro post falando precisamente do nome deste blog que acaba de nacer.
O ser humano sempre está desexando algo. En
todos os ámbitos da nosa vida, ben sexa no persoal, familiar, lúdico, etc,
sempre temos algún obxecto de desexo no que centramos a nosa atención e
canalizamos todas as nosas enerxías para acadalo.
Isto por suposto é extrapolable ao ámbito
laboral. Unha persoa buscadora de emprego o que máis desexa, o seu obxectivo
final, é conseguir un posto de traballo.
Si no
ámbito persoal ou familiar desexamos ter éxito na nosa empresa e non deixamos
nada ao chou, porque íamos a facelo nun ámbito tan precioso e importante como é
o laboral? Cando nos poñemos a buscar traballo, penso
que non se debe de facer de maneira desorganizada ou improvisada. A planificación
ou trazado do camiño que vamos a seguir é fundamental.
O plan de busca, da mesma maneira que un plan
de empresa, ten que ser un proceso reflexivo e laborioso, onde entren en xogo
todos os actores da película: autoavaliación, obxectivos, puntos febles, puntos
fortes, onde estou, onde vou, que preciso, formación, información, cualificación,
retroalimentación e un longo etcétera. Canto máis estudado estea o plan, canto
máis a fondo nos apliquemos na nosa tarefa, máis posibilidades teremos de
reducir os riscos de fracaso. En fin, teremos máis posibilidades de que a
película acabe ben.
Por iso penso, que unha das funcións
principais na orientación é precisamente a de axudar a trazar ou planificar
estes plans de busca de emprego, e si damos un pasiño máis alá, axudar a que a
persoa demandante consiga acadar unha autonomía persoal no seu proceso de busca. Palabras como sorte, lotaría, por si acaso, quiniela.. quedan
desterradas do guión desta película!
