Relexión do módulo 2
Habilidades na comunicación e competencias
dixitais no proceso de orientación
A palabra competencia é un
concepto con varios significados, unhas veces fai referencia ao contexto de
traballo e outras describe as características das persoas que o realizan.
Podemos definir competencia como a estrutura integrada e complexa de
coñecementos, habilidades, destrezas, valores, e actitudes que son necesarios
para o desenvolvemento dunha determinada actividade laboral.
Habilidades
sociais e persoais para a comunicación
Son
probablemente o grupo de competencias máis importante do profesional da
orientación. O orientador é un comunicador, traballa nun proceso comunicativo
coas persoas. A súa ferramenta de traballo é a capacidade de comprensión e de
expresión.
Nas
nosas sesión de orientación requíresenos comunicar pensamentos, estruturar e
relacionar información, dar respostas a preguntas, iniciar e manter conversas,
reconducir o diálogo segundo o propósito inicial. Para realizar todo isto
debemos manter un nivel de vocabulario que favoreza a comunicación,
autenticidade e naturalidade na intervención.
Pero nestas
accións orientativas as habilidades comunicativas cobran unha especial
importancia, xa que ademáis de expresar ideas é fundamental saber escoitar para
poder ter en conta a perspectiva da persoa á que se quere axudar.
Temos que ser especialmente coidadosos
coas palabras que eliximos, moi respectuosos cos nosos orientados e orientadas.
Poñernos no seu lugar, ser obxectivos e deixar de lado os nosos prexuízos. Non debemos deixarnos levar pola primeira
impresión, escoitar de maneira activa e ser asertivos cando é preciso.
Neste proceso entran en xogo tres
funcións da comunicación lingüística: saber, saber facer e saber ser. Compre estar
disposto ao diálogo crítico e construtivo, recoñecer o diálogo como ferramenta
primordial para a convivencia, ter interese pola interacción cos demáis e ser
conscientes da repercusión da lingua noutras persoas.
Non debemos olvidar o momento tan
delicado no que estamos e que moitas persoas están nunha situación moi difícil e
que debemos ser sumamente respectuosos con eles e coidar moito todos estes
aspectos.
Neste
punto quero facer mención a un tweet de Alfonso Alcántara: “No consigas tu
autoestima a costa de la de otros. La gente olvida qué dices o haces pero no lo
que les hiciste sentir”
Habilidades no manexo das
tecnoloxías da información e da comunicación
Para adecuarnos aos cambios sociais acelerados
e ao inestable ámbito laboral que estamos a vivir faise imprescindible a
chamada “competencia dixital e do tratamento da información”.
A presenza das novas tecnoloxías permiten novas
formas de comunicación, novos modelos organizativos e novas canles de
información que abren diferentes camiños na busca de oportunidades.
A incorporación das TIC ao traballo do
orientador están cambiando as ata agora “clásicas
intervencións orientadoras” e potencian a incorporación de novos roles moitas
veces complementarios ás funcións que se viñan asumindo e que nun futuro
próximo deberán ser incorporadas á formación dos especialistas en orientación.
Para facer posible esta innovadora función do
persoal de orientación compre formarse e informarse, actualizarse profesionalmente a través
de portais, blogues, foros etc.
Por suposto estes cambios non son doados e
tampouco se lle debe esixir ao orientador ser un “experto” en todos os
programas das novas tecnoloxías relacionadas co seu traballo aínda cando deba
coñecelas e ser capaz de empregalas.
Por iso para concluír, quixera animar ás
comunidades de orientadores a que perdan o medo no uso das TIC e a coñecelas e traballar con elas. Poderemos así aproveitar todos os recursos que
nos ofrecen, para de esta forma facilitar a labor orientadora cunha
optimización de recursos para as persoas usuarias do noso servizo e para nós
mesmos.
ativó
No hay comentarios:
Publicar un comentario